Опис
Дарко Ангеловски е уметник и поет што за себе вели дека е припадник на уметничката „школа“ наречена Автокинеза или Душа на самата душа, која е во состојба да ја претвори болката во поезија создавајќи „душевен санаториум“ од неа. Пробајте да бидете во негово друштво и во неговото Друштво на мртвите поети. Само душата е поет, а нејзиното поетско искажување се емоциите накалемени на зборовите. Во неговата книга душа што лови светлина со мрежа за пеперутки држи вода во стисната тупаница, и тоа со каква леснотија. Оваа книга води отаде замислата на смислата на мислата, води кон едната и единствена вистина – Љубовта.
