Нема стих, нема мир!

Револуција во стихови. Книга отпор. „Нема стих, нема мир!“ е избор од најубавата бунтовна поезија од најстари времиња до денес. Триесетина македонски и странски поети, раскажувачи, есеисти, романсиери, преведувачи и јавни личности одбраа по две песни на тема: бунт, револуција, револт, отпор. Но оваа книга не е „бунтовна“ само во политичка смисла (иако не недостигаат и таквите песни), туку бунтот се отсликува и во секојдневјето, во љубовта, во сопственото битие, па дури и во формата. Несекојдневна збирка што на едно место ги вклучува Артур Рембо, Велимир Хлебников, Бертолд Брехт, Мирослав Крлежа, Данило Киш, Јехуда Амихај, но и Кочо Рацин, Ацо Караманов, Коле Чашуле, Лидија Димковска…