Опис
Откако ќе се омажи со Чану, 20 години постар од неа, Назнин е одведена во Лондон и го напушта својот дом во Бангладеш. Новиот свет е полн со тајни. Како добра и послушна муслиманка, се обидува да не поставува многу прашања, туку да се грижи за сопругот и за ќерките. Но ненадејно сретнува привлечен млад човек и ова еротско будење ги претвора нејзините претходни навики во хаос. Привидот на животниот мир ќе го скрши токму Карим, кој ќе ѝ наметне голем број дилеми за личните желби и за припадноста во општеството, ќе ѝ ги отвори очите, но она што на крајот ќе го види ќе ги изненади двајцата.
Додека се движи по патеката на својата самореализација, патека на која ја прогонува духот на нејзината мајка, во Бангладеш сестра ѝ Хасина влетува од беља во беља. Во својот интимен свет којшто е оформен, но не е и целосно ограничен на спомените и на местата во кои живеат, двете сестри се обидуваат во соништата да побегнат од правилата што им се наметнати. Велелепниот роман на Моника Али е книга за патувањето, внатрешно и надворешно, при што прекрасното и ужасното се испреплетуваат во едно.
Рецензии
Сѐ уште нема мислења