Кафка – писателот што не сакал да биде читан

 

 

Франц Кафка, еден од највлијателните писатели на дваесеттиот век, бил роден во 1883 година во Прага. Да му успеел планот, неговите ракописи никогаш не би биле објавени и би биле уништени по неговата смрт.

Познат по долгите, развлечени реченици и наклонетост кон двосмисленоста – што само ја отежнувало работата на преведувачите – Кафка ги напишал „Преобразба“ во 1915, „Процес“ во 1925, „Замок“ во 1926 година и мноштво други добропознати кратки раскази и романи.

Неговите главни ликови водат комплицирани, кошмарни животи – можеби не толку различни од неговиот – во едно безлично општество.

Кафка бил роден во еврејско семејство од средна класа, во Прага, која тогаш била под австроунгарска власт. Прв јазик му бил германскиот и сите негови литературни дека се напишани на германски, иако зборувал течен чешки. Завршил правен факултет, а потоа се вработил во институт за осигурување – здодевна работа што не му оставала време за пишување.

Заедно со своите блиски пријатели и колеги писатели, Макс Брод и Феликс Велч, Кафка ја формирал писателска група што била дел од кругот на еврејско-германски писатели во Прага.

Голем дел од творештвото на Кафка било оставено недовршено и необјавено во текот на неговиот живот, со исклучок на „Преобразба“ и неколку кратки раскази.

Секогаш со слабо физичко здравје, Кафка се разболува од туберкулоза во 1917 година и поминува низ многу третмани во текот на наредните години. Болеста подоцна му се влошува и умира на 3 јуни 1924 година – најверојатно од глад, поради тоа што јадењето му било отежнато од туберкулозата.

Неговото тело е вратено во Прага, каде што бил и погребан.

Пред својата смрт, Кафка го задолжил Макс Брод, кој воедно му бил и менаџер, да ги уништи сите негови ракописи. Наместо тоа, Брод ги објавил. Делата на Кафка за брзо го привлекле вниманието на јавноста и го добиле признанието што го заслужувале.

 

Извор: https://tinyurl.com/59dhmpud